Meahciráđđehus mieđihii mannan gease bievlla áigge meahccejohtaluslobiid báikegotti olbmuide spiehkastatlaččat dušše jahkái 2023 Eanodaga meahccejohtalusluottaid sajádatčielggadanbarggu geažil.
Beaivádanbargu lea gárvvis ja luoddakárttat leat beaiváduvvon nu, ahte dat dávistit duođalaš johtindárbbu. Gieldda olbmuide, geaidda mieđihedje bievlla áigge meahccejohtaluslobi áigodahkii 2023, sáddejuvvo automáhtalaččat ođđa, sullasaš lohpi oktan luoddakárttaiguin. Lohpi sáddejuvvo miesse-geassemánu áigge šleađgapoastačujuhussii, mii lea Meahciráđđehus áššehasdieđuin. Ođđa lohpi lea fámus dihtomearreáigodaga loahpa rádjai 31.12.2025.
Eará gieldda olbmuide lohpeohcan álgá 3.6.2024. Lohpi ohccojuvvo Meahciráđđehusa bálvalanbáikkis Duottar-Sámi luondduguovddážis, tel. 0206 39 7950, tunturi-lappi(at)metsa.fi. Ođasmahtton lohpekárttaid sáhttá oaidnit luondduguovddážis, ja daid sáhttá dárbbu mielde doaimmahit šleađgapoasttain.
Gieldda olmmoš dárbbaša meahccejohtalussii álo lobi
Meahciráđđehus muittuha, ahte gieldda olmmoš dárbbaha álo lobi, jus son háliida lihkadit meahcis mohtorfievrruin. Meahccejohtalus lea lobálaš dušše, jus gieldda olbmo mihttomearrin lea luonddu ávkkástallan. Lobi oažžu ovdamearkan lubmemii, meahccebivddu ordnemii, guollebivdui, fatnasa doalvumii ja luonddubuktagiid čoaggimii dan luotta ala, man duohtavuođas geavaha. Buot ohcciide lobit eai automáhtalaččat mieđihuvvo juohke báikái.
Eanodaga ja Ohcejoga gieldda olbmuide lobiid sáhttá mieđihit bievlla áigái dušše kárttaide merkejuvvon sohppojuvvon meahcceluottaide dihtomearreáigodaga 2023-2025 áigái. Álbmot- ja luonddumeahcis meahccejohtaluslobiin ii oaččo vuodjit.
Meahciráđđehus muittuha maiddái, ahte gieldda olbmo lobiin ii oaččo hárjehit fitnodatdoaimma, jus das ii leat sierra sohppojuvvon.