Gieldda olbmuid guolástanlobit Davvi-Sámis
Eanodaga, Anára ja Ohcejoga gieldda olbmuin guollebivdu stáhta čáziin lea eanaš nuvttá. Spiehkastahkan leat luosa ja dápmoha goargŋunguovllut, maidda gieldda olbmot sáhttet skáhppot áigodatlobi iešgoasttádusa sturrosaš hattiin. Davvi-Sámi gieldda olbmuid guolástanvuoigatvuođain ásahuvvo guolástanlágas (finlex.fi).
Áigodatlohpi luosa ja dápmoha goargŋunguovlluide
Eanodaga, Anára ja Ohcejoga gieldda olbmot sáhttet skáhppot ruovttugielddas guvlui iešgoasttádusa hatti sturrosaš áigodatlobi, nu gohčoduvvon gieldda olbmuid johkalobi. Lohpi addá vuoigatvuođa vuoggabivdui daid stáhta čáhceguovlluin, mat leat dápmoha ja luosa goargŋunguovllut.
Áigodatlobi haddi lea 40 euro / áigodat. Haddi lea meroštallojuvvon eana- ja meahccedoalloministeriija máksinásahusas. Vuollel 18-jahkásaččaide áigodatlohpi lea nuvttá. Lobiid mearis ii leat dihtomearri, nuba lobi ožžot buot báikkálaččat háliidettiin.
Áigodatlobi sáhttá oastit Meahciráđđehusa bálvalančuoggáin ja Eräluvat bálvalannummiris 020 69 2424 (árgabeivviid 9–15).
DÁRKILUT VUOVDINDIEĐUT, LOHPEGUOVLLUID KÁRTTAT JA LOHPEEAVTTUT:
Nuvttá guolástanlohpi eará čáhceguovlluide
Eanodaga, Anára ja Ohcejoga gieldda olbmot sáhttet skáhppot ruovttugielddas guvlui nuvttá guolástanlobi. Lohpi addá vuoigatvuođa stággo- ja bivddusguollebivdui stáhta čáhceguovlluin earret luosa ja dápmoha goargŋunguovlluin.
Meahciráđđehus lea mearridan joatkit buohkaid dáláš Davvi-Sámi nuvttá guolástanlobiid fápmoáiggi 31.12.2025 rádjái. Lohpi lea fámus dáinna eavttuin, ahte olbmo ruovttugielda lea bisson seammán. Juohkeokta, gean ruovttugielda ii leat rievdan, oažžu maiddái ođđa lobi poasttas giđa 2024 áigge.
Ođđa gieldalaččat sáhttet skáhppot lobi čuovvovaččain báikkiin:
Eräluvat bálvalannummiris
020 69 2424 (árgabeivviid 9–15)
eraluvat@metsa.fi
Davvi-Sámi luondduguovddáš Siida
Inarintie 46, 99870 Inari
Tel. 0206 39 7740
Duottar-Sámi luondduguovddáš
Peuratie 15, 99400 Enontekiö
Tel. 0206 39 7950
Erähenkilöstö
Etsitkö jotakuta vastaamaan kysymyksiin tietystä aiheesta tai alueesta? Metsähallituksen Eräpalvelujen yhteystiedoista löydät etsimäsi henkilön!