Meahccebivdu

Jus ásat sámiid ruovttuguovllus dahje eará báikkis Davvi-Suomas meahcástanlága 8 § čujuhan guovllus, don it dárbbaš sierra lobi meahccebivdui iežat gielddas stáhta eatnamiin.

Eará dáhpáhusas sáhtát háhkat Eräluvat.fi-bálvalusas iešguđetlágan bivdinlobiid smávvafuođđo- ja stuorrafuođđobivdui. Stáhta guovllut dáhkidit meahcástanvejolašvuođa maiddái daidda, geain ii leat vejolašvuohta bivdit ovdamearkka dihtii bivdosearvvi guovllus.

Bivdinlohpi lea investeren lundui, daningo lobiid sisaboađuiguin dikšojuvvojit fuođđoeatnamat ja sihkkarastojuvvo ođasmuvvi fuođđonálli. Meahciráđđehusa áššedovdit ja meahccebearráigeahččit atnet du lassin ávvira das, ahte bivdu dáhpáhuvvá suvdilit ja lágalaččat. Stáhta guovlluin berre čuovvut Meahcceetikeahta, nappo ovttas sohppojuvvon buriid meahcástandábiid.

Áššedovdit meroštallet bivddu nu, ahte álggus vuhtiiváldojuvvo fuođđonálli ja báikkálaš bivddu váikkuhus meahcivalljái. Dán maŋŋá árvvoštallojuvvo, man ollu lobiid sáhttet vuovdit earáide.

Meahciráđđehusa bivdoguovllut molsašuddet sturrodagaset, duovdageaset ja lohpeeavttuideaset dáfus. Stuorámus oassi bivdoeatnamiin leat vuovdedoalloguovlluin, gos sáhttet leat vuovdedoallobarggut jođus maiddái bivdoáigge.