Diehtosuodječilgehus

Dán diehtosuodječilgehusas muitaluvvo, maid persovdnadieđuid Meahciráđđehus čoaggá áššehasainis (maŋŋeleappos "geavaheaddji" dahje "áššehas") ja mo gieđahallat ja seailluhit dáid dieđuid.

Eräluvat-bálvalusain oaivvildit

Eräluvat.fi-neahttabálvalusa ja mobiilaheivehusa,
Lohpeohcanvuogádaga (lupahaku.eraluvat.fi, maŋŋeleappos "Lohpeohcanvuogádat") ja
Eräluvat-áššehasbálvalusa, mii sáhttá dáhpáhuvvat telefovnna bokte, vuovdinbáikkis dahje máhcahatskoviid bokte, maid gieđahallamii geavahit sierra máhcahatvuogádaga.

Dát diehtosuodječilgehus lea beaiváduvvon maŋimuš háve 19.11.2024.

1. Registtar

Meahciráđđehusa Eräluvat-bálvalusa áššehasregisttar.

2. Registtardoalli

Meahciráđđehus (Y-dovddaldat: 0116726-7), PL 80 (Opastinsilta 12), 00521 Helsinki

Eräluvat-telefonbálvalus, tel. 020 69 2424

kirjaamo(a)metsa.fi

Meahciráđđehusa diehtosuodjevástideaddji

Janne Kiiskinen, tietosuoja(a)metsa.fi

Kontáktaolmmoš registara guoskkahahtti áššiin

Jari Haarala, digibálvalanhoavda, jari.haarala(a)metsa.fi

3. Persovdnadieđuid čoaggin

Meahciráđđehus sáhttá čoaggit Eräluvat-bálvalusaid geavaheaddjiin dán diehtosuodječilgehusas meroštallon geavahanulbmiliid dáfus dárbbašlaš dieđuid. Geavahanulbmil meroštallá, makkáraš dieđu geavaheaddjiin čoggojuvvo sierra dáhpáhusain.

Sáhttit čoaggit geavaheaddji persovdnadieđuid, go son geavaha Eräluvat-bálvalusaid dahje dikšu áššiid daiguin, registrere iežas Eräluvat.fi-neahttabálvalusa dahje Lohpeohcanvuogádaga geavaheaddjin, oassálastá gilvvohallamiidda, kampánjjaide dahje dutkamušaide dahje dikšu muđui áššiid Meahciráđđehusain. Vuollel 13-jahkásaččas ferte leat fuolaheaddji lohpi.

Geavaheaddjis lea vejolašvuohta skáhppot lohpebuktagiid maiddái nuppi olbmui almmuhemiin nuppi olbmo dieđuid sajis Lobi geavaheaddjit. Dán dáhpáhusas olbmos gii lea almmuhuvvon lobi geavaheaddjin lea vuoigatvuohta šluhttet lobis skáhppon- ja šluhtteneavttuid mielde ja oažžut dieđuidis jávkaduvvot saji 8. Áššehasa vuoigatvuođat dieđuidis dárkkisteapmái vuođul. Ovddasvástádus diŋgojumi máksimis seailu álo diŋgojumi dahkkis.

Dieđut, maid áššehas addá go dikšu áššiid Eräluvat.fi-neahttabálvalusas dahje -heivehusas dahje go oastá áššehasbálvalusa bokte:

* Ovdanamma, sohkanamma
* Šleađgapoastačujuhus
* Áššiiddikšungiella
* Lagaščujuhus
* Poastanummir ja -doaibmabáiki
* Telefonnummir
* Šaddanáigi
**Persovdnadovddaldat
Bivdonummir
* Suollemassátni dahje eará spesifiserejeaddji dovddaldat
* Márkanastinlohpi
Dutkamušaid ja jearahallamiid oktavuođas addojuvvon dieđut
Áššehasmáhcahagat
Earát áššehasa lobiin addojuvvon ja luobahuvvon dieđut, omd olggobealát gálduin, dego bivdoregistaris, čoggojuvvon dieđut

* bákkolaš diehtu

**Bákkolaš ohcamuššii vuođđuduvvan buktagiin ja diŋgojumiid oktavuođas main sáddejuvvo rehket.

Dieđut, maid áššehas addá go skáhppo lobi nuppi olbmui:

* Ovdanamma, sohkanamma
Šleađgapoastačujuhus
* Lagaščujuhus
* Poastanummir ja -doaibmabáiki
Telefonnummir
* Šaddanáigi
Bivdonummir

* bákkolaš diehtu

Dieđut, maid áššehas addá go dikšu áššiid Lohpeohcanvuogádagas:

* Ovdanamma, sohkanamma
* Šleađgapoastačujuhus
* Áššiiddikšungiella
* Lagaščujuhus
* Poastanummir ja -doaibmabáiki
* Telefonnummir
* Šaddanáigi
* Bivdonummir
* Bivdojoavku
* Meahcástanvejolašvuođaid guoskkahahtti dieđut ja ealgabivddu báhciniskosa čađahanbeaivi
* Suollemassátni dahje eará spesifiserejeaddji dovddaldat
* Márkanastinlohpi
Dutkamušaid ja jearahallamiid oktavuođas addojuvvon dieđut
Áššehasmáhcahagat
Earát áššehasa lobiin addojuvvon ja luobahuvvon dieđut, omd olggobealát gálduin, dego bivdoregistaris, čoggojuvvon dieđut

* bákkolaš diehtu

Dieđut, maid áššehas addá go dikšu áššiid Eräluvat.fi-neahttabálvalusa máhcahatskoviid bokte:

Namma
* Šleađgapoasta
Telefonnummir

*bákkolaš diehtu

Dieđut, maid áššehas addá go geavaha Eräluvat-heivehusa

Sisa čállimii dárbbašahtti šleađgapoastačujuhus
Geavaheaddji sajádatdieđut go son geavaha heivehusa Sajádat kárttas -doaimma
Geavaheaddji sajádatdieđut go son geavahan heivehusa Čuozáhagat lahkosis -doaimma

Lassin čoaggit dieđu bálvalusa geavaheamis bálvalusa ovddideapmin. Čuovvut ovdamearkka dihte dan, mo olu geavaheaddjit bálvalusas jahkásaččat leat dahje dihto geavahanbiikkaid áigge, makkár rusttegiin bálvalusa geavahuvvo ja maid sisdoaluid geavaheaddjit bláđejit. Eat dán oktavuođas čoakke geavaheaddjiin dieđuid, main sáhtášii dovddastit ovttaskas geavaheaddji. Čoggojuvvon dieđuid ii maiddái sáhte ovttastit nuppiidasaska. Dárkilut diehtu sajis 9. Diehtočoahkut.

4. Persovdnadieđuid geavaheapmi ja luobaheamit

Persovdna- ja earáid dieđuid gieđahallojuvvo ja luobahuvvo dušše legitimitehta geavahanulbmiliidda, main mearriduvvo dárkileappot

diehtosuodjelágas (1050/2018),
eiseválddiid doaimmaid almmolašvuođas addojuvvon lágas (621/1999),
meahcástanlágas (615/1993) ja
guolástanlágas (379/2015).

Persovdnadieđuid geavaheapmi

Meahciráđđehus geavaha dan čoaggán dieđuid čuovvovaš ulbmiliidda:

Eräluvat-bálvalusaid fállan ja áššehasgaskavuođa dikšun. Persovdnadieđuid sáhttá geavahit geavaheaddjikonttu dahkamii, geavaheaddji dovddasteapmái, geavaheaddji skáhppon lobiide laktáseaddji gulahallamii, buktagiid diŋgomii, lohpeohcamuša guođđimii, meahccebearráigehččui ja bálvalusaid doaibmama sihkkarastimii. Lassin Meahciráđđehus sáhttá geavahit áššehasa persovdnadieđuid su máhcahahkii dahke gažaldagaide vástideapmái.
Bálvalusaid bajásdoallan ja ovddideapmi. Sáhttit geavahit persovdnadieđuid Eräluvat-bálvalusaid bajásdoallamii, ovddideapmái ja geavahanvásihusa buorideapmái.
Áššehasgulahallan ja márkanastin. Sáhttit geavahit persovdnadieđuid áššehasa lobiin áššehasgulahallamii mii dáhpáhuvvá Eräluvat-ođasreivviid bokte dahje sierra Meahciráđđehusa fállan bálvalusaid márkanastimii.
Dutkamuš. Sáhttit geavahit persovdnadieđuid Meahciráđđehusa dahkan dahje dagahan dutkamuššii.
Rehketčállin. Geavahit persovdnadovddaldaga bearrangelbbolaš, sierra ohcamušas dahkkojuvvon mearrádusaid rehketčállima várás.

Persovdnadieđuid luobaheapmi

Meahciráđđehus ii vuolggasajis mange dáhpáhusas luobat Eräluvat-bálvalusaid áššehasdieđuid márkanastinulbmilis goalmmát oassebeliide.

Soames dáhpáhusain Meahciráđđehus sáhttá luobahit dieđuid dieđalaš dahje eará dutkamuša várás. Dat gáibida, ahte luobaheami várás lea dahkkojuvvon Meahciráđđehussii čálalaš ohcamuš, mas boahtá ovdan ee. dutkamušplána, dieđuid gieđahallan ja láhkavuođđu dieđuid luobaheapmái.

Eräluvat-bálvalusaid diŋgon- ja áššehasdieđut sirdojuvvojit Meahciráđđehusa iežas vuovdin- ja ekonomiijavuogádagaide rehketčállima ja ekonomiija čuovvuma várás. Lassin áššehasaid dieđut sáhttet sirdojuvvot márkanastima automatiserenvuogádahkii ja ođasreivve sáddenvuogádahkii.

Meahciráđđehus luobaha diŋgondieđuid (lobi namma, lohpeguovlu, lohpeáigi, lohpenummir, bivdonummir, máksindiehtu) jeavddalaš vuogi mielde Suoma fuođđoguovddážii dan bajásdoallan Oma riista -bálvalussii. Diŋgondieđut luobahuvvojit dain áššehasain, geat leat čállán sisa Eräluvat.fi-neahttabálvalussii dahje Lohpeohcanvuogádahkii Oma riista -dovddaldagain dahje almmuhan bivdonummiris ja namas bivdoregistara vástideaddji vugiin lohpedieđuinis.

Meahccebivddu dorvvolašvuođa ovddideapmin, heakkadehálaš ovdduid suodjaleami vuođul meahciráđđehus sáhttá luobahit ealgabivddu guovllulobi ožžon olbmuid oktavuođadieđuid nuppiide guovllulobi seammá guvlui ožžon olbmuide. Dát guoskkaha dušše meahcástanlága 8 § čuvvon guovllu, masa sáhttá mieđihit máŋggaid badjálas guovlolobiid.

Lassin sáhttit dárbbu mielde luobahit persovdnadieđuid doaibmaválddálaš eiseválddi ovdanbuktán gáibádusaid ja láhkii vuođđuduvvi eavttuid mielde.

Ođasreivviide ja márkanastimii sáhttá addit lobi dahje gieldit Eräluvat.fi-neahttabálvalusas ja Lohpeohcanvuogádagas lobi oastima/viežžama oktavuođas dahje registreren áššehassan goas beare iežas áššehaskonttu bokte.

Lassin gildosa lea vejolaš dahkat telefovnna bokte nummiris 020 69 2424 lobi oastima oktavuođas dahje sierra, šleađgapoasttain (eraluvat(a)metsa.fi) dahje čálalaččat registtardoalli čujuhussii.

5. Persovdnadieđuid sirdin EU dahje ETA olggobeallái

Eat sirdde dieđuid EU dahje ETA-guovllu olggobeallái.

6. Persovdnadieđuid suddjen

Meahciráđđehusa Eräluvat-bálvalusaid oktavuođas čoggojuvvon persovdnadieđuid ožžot lohkat ja gieđahallat dušše beare dat bargit, geaid doaibmama dáfus dat lea dárbbašlaš.

Áššehasvuogádagaid besset gieđahallat fuolahusulbmilis prográmmaid fuolahusas ja doaibmamis vástideaddji diehtogieđahallit dárbbu mielde. Meahciráđđehus lea fuolahan soahpamušgeatnegasvuođaiguin das, ahte sis lea jávohisvuođageatnegasvuohta mii laktása buot áššehasdieđuide ja geatnegasvuohta gieđahallat persovdnadieđuid lága gáibidan vugiiguin.

7. Persovdnadieđuid seailluheapmi

Meahciráđđehus seailluha Eräluvat-bálvalusaide vurkejuvvon persovdnadieđuid fámus leahkki láhkaásaheami mielde dušše nu guhkká, go lea dárbu dán diehtosuodječilgehusas meroštallojuvvon ulbmiliid ollašuhttimii.

Diŋgojeaddji dieđut seailluhuvvojit rehketdoallolága mielde guhtta jagi dan jagi loahpas, man áigge rehketdoallobadji lea nohkan.
Lobi geavaheaddji dieđut seailluhuvvojit guokte jagi lobi nohkama maŋŋá.
Geavaheaddjikontu jávkaduvvo, juos dat ii leat leamašan anus guovtti jahkái.

8. Áššehasa vuoigatvuođat dieđuidis dárkkisteapmái

Áššehasas lea lága mielde vuoigatvuohta dárkkistit, mat áššehasdieđut sus leat čoggojuvvon. Áššehasas lea vuoigatvuohta gáibidit boastto, váilevaš, dárbbašmeahttun dahje boarásmuvvan persovdnadieđu divvuma dahje sihkkuma.

Juos áššehas lea registreren iežas Eräluvat.fi-neahttabálvalusa áššehassan, son sáhttá álkimusat dárkkistit persovdnadieđuidis čállimin sisa iežas áššehaskontui čujuhusas www.eraluvat.fi.
Juos áššehas lea registreren iežas Lohpeohcanvuogádaga geavaheaddjin, son sáhttá álkimusat dárkkistit persovdnadieđuidis čállimin sisa iežas áššehaskontui čujuhusas lupahaku.eraluvat.fi.
Dárkkistanbivdaga sáhttá dahkat Meahciráđđehussii maiddái sierra skoviin, man oažžu čujuhusas metsa.fi/se/diehtosuodji.

9. Diehtočoahkut

Eräluvat-bálvalusain geavahuvvo diehtočoahkuid. Diehtočoahkut leat terminálarusttega bláđána ja servera gaskasaš smávva teakstafiillat. Diehtočoahkuin ja eará dovddalmasain lea meroštallojuvvon fápmosis leahkináigi, man maŋŋá bláđán jávkada dovddalmasa.

Oassi diehtočoahkuin laktásit bálvalusaid doaibmamii. Diehtočoahkuid ulbmilin lea dahkat bálvalusaid geavaheami vejolažžan.

Diehtočoahkuid sáhttá hálddašit diehtočoahkojearahallama bokte. Siiddu vuolleravdda Diehtočoahkkostellemat-liŋkkas beassá oaidnit siiddu geavahan diehtočoahkuid ja addojuvvon diehtočoahkkostellemiid ja rievdadit iežas stellemiid.

Bláđána stellemiin geavaheaddji sáhttá háliidettiin gieldit diehtočoahkuid vuostáiváldima dahje jávkadit vurkojuvvon diehtočoahkuid. Dát sáhttá dahkat goittotge váilevašvuođaid bláđána doaibmamii.

Eräluvat.fi-neahttabálvalusa geavaheamis čoggojuvvo diehtu almmá diehtočoahkuid Snoobi Analytics -bálvalusain. Neahttabálvalusa galledeaddjiin eai čoakke persondieđuid, main ovttaskas geavaheaddji sáhtašii dovdát. Dieđut ávkkástallojit neahttabálvalusa ovddideamis. Čoggojuvvon dieđut seailluhuvvojit Snoobi Analytics -bargoneavvus. Snoobi hálddaša dáid dieđuid diehtosuodjegeavadaga mielde. Lassedieđut leat Snoobi Analytics neahttasiidduin (snoobi.com).

10. Oktavuođadieđut

Gažaldagat dán diehtosuodječilgehusas, persovdnadieđuid geavaheamis ja diehtočoahkuin sáhttá čujuhit šleađgapoastačujuhussii eraluvat(a)metsa.fi.

Registtardoalli

Meahciráđđehus (Y-dovddaldat: 0116726-7), PL 80 (Opastinsilta 12), 00521 Helsinki

Eräluvat-telefonbálvalus, tel. 020 69 2424

kirjaamo(a)metsa.fi

Meahciráđđehusa diehtosuodjevástideaddji

Janne Kiiskinen, tietosuoja(a)metsa.fi

Kontáktaolmmoš registara guoskkahahtti áššiin

Jari Haarala, digibálvalanhoavda, tel. 0206 39 6239, jari.haarala(a)metsa.fi

Fuomáš, ahte jos válddat midjiide oktavuođa ja bivddát veahki, sáhttit dorvvolašvuođasivaid dihtii gártat sihkkarastit du identitehta ovdal go deavdit bivdaga.

Meahciráđđehusa Meahccebálvalusat

Eräluvat-bálvalannummir 020 69 2424 (árgan dmu 9–15), eraluvat(a)metsa.fi