13.11.2024
Meccihaldâttâs äššigâspalvâlem sirdoo Avelist puhelimân já viärmán
Meccihaldâttâs palvâl Avveel äššigâsâid puátteevuođâst puhelimáin já digitallijn palvâlemoolijn. Avveel toimâttuv äššigâspalvâlemsaje lii áávus majemuu tove vástuppeeivi roovvâdmáánu 18. peeivi.
– Taat lii tiäđust-uv šaali maaŋgâ äššigâs tááhust. Aašijd puáhtá táválávt tipšođ šleđgâhámásávt tâi puhelimáin pääihist, mii puáhtá leđe ášástâllâm tááhust älkkee. Táválávt ääših kyeskih kuálástem- tâi meccijotolâhluuvijd já tupeväärridmáid, meccipivdoluuvij sierânâsäššitobdee Outi Huhtala Meccihaldâttâsâst iätá.
Kuálástem- já miäcástemäššigâsah palvâluvvojeh puátteevuođâst Eräluvat-palvâlemnumerist 020 69 2424, mii lii áávus argân tijme 9–15. Palvâlemnummeer peht äššigâsah pyehtih koijâdâllâđ iärrás lasseen páihálij mávsuttes kuálástemluuvijd, kieldâässei mávsulijd juhâkuálástemluuvijd tâi ovdâmerkkân nuorttâlâškuávlu kuálástemluuvijd.
Ton lasseen äššigâsah palvâluvvojeh maaŋgâ digitallii palvâlusâst. Iänááš kuálástem- já miäcástemloveh kávnojeh viermist Eräluvat.fi-palvâlusâst. Meid meccijotolâhloveh já tiäđuh staatâ enâmij meccijotolâhaašijn kávnojeh Eräluvat.fi-palvâlusâst.
Staatâ enâmij eres luuvijn já mietâmušâin kávnojeh lasetiäđuh čujottâsâst www.metsa.fi/maat-ja-vedet/luvat.
Lasetiäđuh:
Meccipivdoluuvij sierânâsäššitobdee Outi Huhtala, Meccihaldâttâsouti.huhtala@metsa.fi, 0400 209 566