Tiätusyejičielgiittâs
Taan tiätusyejičielgiittâsâst muštâluvvoo, et maid persovntiäđuid Meccihaldâttâs norá Eräluvat-palvâlus kevttee äššigâsâinis (maŋeláá ”kevttee” tâi ”äššigâs”) já maht taah tiäđui kieđâvuššojeh já siäiluduvvojeh.
Eräluvat-palvâlusah uáivildeh
- Eräluvat.fi-viermipalvâlus já moobilheiviittâs,
- Lopeuuccâmvuáháduv (lupahaku.eraluvat.fi, maŋeláá "Lopeuuccâmvuáhádâh”) sehe
- Eräluvat-äššigâspalvâlus, mii puáhtá tábáhtuđ puhelimáin, vyebdimčuággást tâi macâttâsluámáttuv peht, moi kieđâvušmân kiävttoo sierânâs macâttâsvuáhádâh.
Taat tiätusyejičielgiittâs lii peividum majemužžân 19.11.2024.
1. Register
Meccihaldâttâs Eräluvat-palvâlusâi äššigâsregister.
2. Registertuállee
Meccihaldâttâs (Y-tubdâldâh: 0116726-7), PL 80 (Opastinsilta 12), 00521 Helsinki
Eräluvat-puhelinpalvâlus, puh. 020 69 2424
kirjaamo(a)metsa.fi
Meccihaldâttâs tiätusyejivästideijee
Janne Kiiskinen, tietosuoja(a)metsa.fi
Ohtâvuotâolmooš registerân kyeskee aašijn
Jari Haarala, digipalvâlushovdâ, jari.haarala(a)metsa.fi
3. Persovntiäđui nuurrâm
Meccihaldâttâs puáhtá nuurrâđ Eräluvat-palvâlus kevttein taan tiätusyejičielgiittâsâst miäruštâllum kevttimuulmij tááhust taarbâšlijd tiäđuid. Kevttimulme miäruštâl, et maggaar tiätu kevttein norroo jieškote-uv tilálâšvuođâin.
Kevttee persovntiäđuid puáhtá nuurrâđ, ko sun kiävttá Eräluvat-palvâlusâid tâi ášástâl tain, registeristoo Eräluvat.fi-viermipalvâlusân tâi Lopeuuccâmvuáháduv kevtten, uásálist kištoid, kampanjaid tâi tutkâmuššáid tâi ášástâl mudoi Meccihaldâttâssáin. Vuálá 13-ihásiist kalga leđe aitârdeijee mietâmuš.
Kevttee puáhtá haahâđ lopepyevtittâsâid meid nube ulmui almootmáin nube ulmuu tiäđuid saajeest Love kevtteeh. Ton tábáhtusâst love kevtten almottum ulmust lii vuoigâdvuotâ keessiđ loovees maasâd haahâm- já maasâdkeessimiävtui miäldásávt já finniđ tiäđuidis meddâlistum saje 8. Äššigâs vuoigâdvuođah tiäđuidis tärhistem várás vuáđuld. Ovdâsvástádâs tiilám mäksimist siäilu ain tiilájeijest.
Tiäđuh, maid äššigâs addel, ko ášástâl Eräluvat.fi-viermipalvâlusâst tâi -heiviittâsâst tâi ko uástá love äššigâspalvâlus peht:
- * Ovdânommâ, suhânommâ
- * Šleđgâpostâčujottâs
- * Ášástâllâmkielâ
- * Aldačujottâs
- * Postânummeer já -toimâsaje
- * Puhelinnummeer
- * Šoddâmäigi
- **Persovntubdâldâh
- Miäcásteijeenummeer
- * Syelisääni tâi mottoom eres spesifistee tubdâldâh
- * Markkânistemlope
- Tutkâmušâi já koijâdâlmij ohtâvuođâst adelum tiäđuh
- Äššigâsmacâttâsah
- Äššigâs mietâmuššáin adelum tâi luovâttum eres tiäđuh, om. ulguupiälásijn käldein, tego miäcásteijeeregisterist, nurrum tiäđuh
* págulâš tiätu
**Págulâš ucâmušvuáđusijn pyevtittâsâin sehe rekigistum tiiláámij ohtâvuođâst.
Tiäđuh, maid äššigâs addel, ko hááhá love nube ulmui:
- * Ovdânommâ, suhânommâ
- Šleđgâpostâčujottâs
- * Aldačujottâs
- * Postânummeer já -toimâsaje
- Puhelinnummeer
- * Šoddâmäigi
- Miäcásteijeenummeer
* págulâš tiätu
Tiäđuh, maid äššigâs addel, ko ášástâl Lopeuuccâmvuáháduvâst:
- * Ovdânommâ, suhânommâ
- * Šleđgâpostâčujottâs
- * Ášástâllâmkielâ
- * Aldačujottâs
- * Postânummeer já -toimâsaje
- * Puhelinnummeer
- * Šoddâmäigi
- * Miäcásteijeenummeer
- * Miäcástemservi
- * Miäcástemmáhđulâšvuođáid kyeskee tiäđuh sehe sorvâpiivdo pääččimiskos čođâldittempeivi
- * Syelisääni tâi mottoom eres spesifistee tubdâldâh
- * Markkânistemlope
- Tutkâmušâi já koijâdâlmij ohtâvuođâst adelum tiäđuh
- Äššigâsmacâttâsah
- Äššigâs mietâmuššáin adelum tâi luovâttum eres tiäđuh, om. ulguupiälásijn käldein, tego miäcásteijeeregisterist, nurrum tiäđuh
* págulâš tiätu
Tiäđuh, maid äššigâs addel, ko ášástâl Eräluvat.fi-viermipalvâlus macâttâsluámáttuvâi peht:
- Nommâ
- * Šleđgâpostâ
- Puhelinnummeer
* págulâš tiätu
Tiäđuh, maid äššigâs addel, ko kiävttá Eräluvat-heiviittâs
- Čáládâttâm várás tarbâšum šleđgâpostâčujottâs
- Kevttee sajadâhtiäđuh, ko kiävttá heiviittâs Sajadâh káártást -tooimâ
- Kevttee sajadâhtiäđuh, ko kiävttá heiviittâs Alda orroo čuosâttuvah -tooimâ
Ton lasseen mij nuurrâp tiäđu palvâlus kevttimist vâi ovdediččijm palvâlus. Mij čuávvup ovdâmerkkân tom, et mon ennuv kevtteeh palvâlusâst láá iválávt tâi mottoom ollâ kiävttumudoääigi, moi piergâsijguin palvâlus kiävttoo já maggaar siskáldâs kevtteeh lääđih. Kevttein iä taan ohtâvuođâst nurruu persovntiäđuh, main ovtâskâs kevttee puávtáččij tubdâđ. Nurrum tiäđuid ij meidgin pyevti ovtâstittiđ nubijdis. Täärhib tiätu saajeest 9. Niästádâsah.
4. Persovntiäđui kevttim já luovâtmeh
Persovn- já eres tiäđuh kieđâvuššojeh já luovâttuvvojeh tuše laavâmiäldásij kevttimuulmij várás, main asâttuvvoo tärhibeht
- tiätusyejilaavâst (1050/2018),
- virgeomâhái tooimâ almosvuođâst adelum laavâst (621/1999),
- miäcástemlaavâst (615/1993) já
- kuálástemlaavâst (379/2015).
Persovntiäđui kevttim
Meccihaldâttâs kiävttá nurrum tiäđuid čuávuvái uulmij várás:
- Eräluvat-palvâlusâi faallâm já äššigâskoskâvuođâ tipšom. Persovntiäđuid puáhtá kevttiđ kevtteetili rähtimân, kevttee tubdâmân, kevttee haahâm luuvijd lohtâseijee viestâdmân, pyevtittâsâi tiiláámân, lopeucâmušâi kyeđimân, meccikocemân já palvâlusâi toimâm visásmitmân. Ton lasseen Meccihaldâttâs puáhtá kevttiđ äššigâs persovntiäđuid vâi pastaččij västidiđ suu adelem macâttâsân tâi koččâmuššáid.
- Palvâlusâi paijeentoollâm já ovdedem. Persovntiäđuid puáhtá kevttiđ Eräluvat-palvâlusâi paijeentolâmân, oovdedmân já kevttimvuáttámuš pyereedmân.
- Äššigâsviestâdem já markkânistem. Persovntiäđuid puáhtá kevttiđ äššigâs mietâmuššáin Eräluvat-uđâsreeivâi peht tábáhtuvvee äššigâsviestâdmân tâi Meccihaldâttâs faallâm sierânâs palvâlusâi markkânistmân.
- Tutkâm. Persovntiäđuid puáhtá kevttiđ Meccihaldâttâs olášuttem tâi rähtittem tutkâmušâin.
- Rekigistem. Persovntubdâldâh kiävttoo peerrâmkiälbulij, sierânâs ucâmuš vuáđuld tohhum miärádâsâi rekigistem várás.
Persovntiäđui luovâttem
Meccihaldâttâs ij vuolgâsajalávt mongin tilálâšvuođâst luovât Eräluvat-palvâlusâi äššigâstiäđuid markkânistemulme tiet kuálmád uásipeelijd.
Mainnii tábáhtusâin Meccihaldâttâs sáttá luovâttiđ tiäđuid tieđâlii tâi mottoom eres tutkâmuš várás toin iävttoin, et luovâttem várás lii toimâttum Meccihaldâttâsân kirjálâš ucâmuš, mast čiälgá il. tutkâmvuávám, tiäđui kieđâvuššâm já siäiludem sehe lahâvuáđustâs tiäđui luovâttem várás.
Eräluvat-palvâlusâi tiilám- já äššigâstiäđuh sirdojeh Meccihaldâttâs jieijâs vyebdim- já ruttâtuáluvuáháduvváid rekigistem já ruttâtuálu čuávvum várás. Ton lasseen äššigâsâi tiäđuh sättih sirduđ markkânistem automaatiovuáhádâhân já uđâsreeivâ vuolgâttemvuáhádâhân.
Meccihaldâttâs luovât tiilámtiäđuid (love nommâ, lopekuávlu, lopeäigi, lopenummeer, miäcásteijeenummeer, máksutiätu) njuolgâduslávt Suomâ meccivaljekuávdážân ton paijeentoollâm Oma riista -palvâlusân. Tiilámtiäđuh luovâttuvvojeh tain äššigâsâin, kiäh láá čáládâttâm Eräluvat.fi-viermipalvâlusân tâi Lopeuuccâmvuáhádâhân Oma riista -tubdâlduvâiguin tâi almottâm jieijâs miäcásteijeenummeer já noomâ miäcásteijeeregister västideijee vuovvijn jieijâs lopetiäđuin.
Miäcástem torvolâšvuođâ ovdedem várás, ađai jieggâtehálij hiäđui suoijâlmân vuáđuduumáin, Meccihaldâttâs puáhtá luovâttiđ sorvâpiivdo kuávlulove finnejeijei ohtâvuotâtiäđuid siämmáá kuávlun kuávlulove finnejeijeid. Taat kuáská tuše miäcástemlaavâ 8 § miäldásii kuávlun, kuus puáhtá mieđettiđ maaŋgâid kuávluluuvijd pajaluvâi.
Ton lasseen persovntiäđuid puáhtá táárbu mield luovâttiđ toimâváldálii virgeomâháá oovdânpyehtim vátámušâi já laahân vuáđuduvvee iävtui miäldásávt.
Uđâsreeivâid já markkânistem puáhtá suovvâđ tâi kieldiđ Eräluvat.fi-viermipalvâlusâst já Lopeuuccâmvuáháduvâst love uástim/uuccâm ohtâvuođâst tâi registeristum äššigâssân kuás peri jieijâs äššigâstili peht.
Ton lasseen kiäldu puáhtá olášuttiđ puhelimáin numerist 020 69 2424 love uástim ohtâvuođâst tâi sierâ, šleđgâpostáin (eraluvat(a)metsa.fi) tâi kirjálávt registertuállee čujottâsân.
5. Persovntiäđui sirdem EU tâi ETA ulguupel
Tiäđuh iä sirduu EU tâi ETA-kuávlu ulguupel.
6. Persovntiäđui suoijim
Meccihaldâttâs Eräluvat-palvâlusâi ohtâvuođâst nurrum persovntiäđuid uážžuh luuhâđ já kieđâvuššâđ tuše toh pargeeh, kiäi toimâkove tááhust tot lii taarbâšlâš.
Äššigâsvuáháduvâid peesih táárbu mield huolâttemtárguttâsâst kieđâvuššâđ ohjelmij huolâtmist já toimâmist västideijee tiäđuikieđâvuššeeh. Meccihaldâttâs lii sopâmušâiguin huolâttâm, et sist lii joskâorroomkenigâsvuotâ, mii lohtâs puoh äššigâstiäđoid, sehe kenigâsvuotâ kieđâvuššâđ persovntiäđuid laavâ vaattâm vuovvijn.
7. Persovntiäđui siäiludem
Meccihaldâttâs siäilud Eräluvat-palvâlussáid vyerkkejum persovntiäđuid vyeimist leijee lahâasâttem miäldásávt tuše nuuvt kuhháá, ko lii tárbu taan tiätusyejičielgiittâsâst miäruštâllum uulmij olášuttem várás.
- Tiilájeijee tiäđuh siäiluduvvojeh kirjetoollâmlaavâ mield kuttâ ive ton ive loopâst, mon ääigi tilipaje lii nuuhâm.
- Love kevttee tiäđuh siäiluduvvojeh kyehti ive love nuuhâm maŋa.
- Kevtteetili meddâlistoo, jis tot ij lah kevttum kyevti ihán.
8. Äššigâs vuoigâdvuođah jieijâs tiäđui täärhistmân
Äššigâsâst lii laavâ miäldásávt vuoigâdvuotâ tärhistiđ, moh persovntiäđuid sust láá nurrum. Äššigâsâst lii vuoigâdvuotâ vaattâđ puástu, vájugáá, taarbâšmettumis tâi puárásmâm persovntiäđui tivodem tâi meddâlistem.
- Jis äššigâs lii registeristum Eräluvat.fi-viermipalvâlus äššigâssân, te sun puáhtá älkkeemusávt tärhistiđ jieijâs persovntiäđuid čáládâtmáin äššigâstilin čujottâsâst www.eraluvat.fi.
- Jis äššigâs lii registeristum Lopeuuccâmvuáháduv kevtten, te sun puáhtá älkkeemusávt tärhistiđ jieijâs persovntiäđuid čáládâtmáin äššigâstilin čujottâsâst lupahaku.eraluvat.fi.
- Tärhistempivduu puáhtá vuolgâttiđ Meccihaldâttâsân meid sierânâs luámáttuvváin, mon finnee čujottâsâst metsa.fi/tietosuoja.
9. Niästádâsah
Eräluvat-palvâlusâst kiävttojeh niästádâsah. Niästádâsah láá kiäjuspiergâs laađân já server koskâsiih smaavâ tekstâtiätuvuárháh. Niästádâsâin já eres tubdâldâsâin lii miäruštâllum vyeimistorroomäigi, mon maŋa laađân meddâlist tubdâldâs.
Uási niästádâsâin lohtâseh palvâlusâi toimâlâšvuođáid. Niästádâsâi ulmen lii toohâđ palvâlusâi kevttim máhđulâžžân.
Niästádâsâid puáhtá haldâšiđ niästádâskoijâdâllâm peht. Siijđoi vyeliroobdâst uáinojeijee Niästádâsasâttâsah-liiŋkâ peht piäsá uáiniđ siijđoi kevttim niästádâsâid já adelum niästádâsasâttâsâid sehe mutteđ jieijâs asâttâsâid.
Laađân asâttâsâin kevttee puáhtá táátus mield kieldiđ niästádâsâi vuástáväldim tâi meddâlistiđ jieijâs lađânân vyerkkejum niästádâsâid. Tot sáttá kuittâg šoddâdiđ vänivuođâid palvâlus toimâmist.
Eräluvat.fi-viermipalvâlus kevttimist norrojeh tiäđuh niästádâsâittáá Snoobi Analytics -palvâlussáin. Viermipalvâlus kevttein iä nurruu persovntiäđuh, main ovtâskâs kevttee puávtáččij tubdâđ. Tiäđuh kiävttojeh viermipalvâlus oovdedmist. Nurrum tiäđuh siäiluduvvojeh Snoobi Analytics -tyejipiergâsist. Snoobi haaldâš täid tiäđuid jieijâs tiätusyejivuáválâšvuođâ miäldásávt. Lasetiäđuh láá Snoobi Analytics viermisiijđoin (snoobi.com).
10. Ohtâvuotâtiäđuh
Koččâmušâid taan tiätusyejičielgiittâsâst, persovntiäđui kevttimist sehe niästádâsâin puáhtá čujottiđ šleđgâpostâčujottâsân eraluvat(a)metsa.fi.
Registertuállee
Meccihaldâttâs (Y-tunnus: 0116726-7), PL 80 (Opastinsilta 12), 00521 Helsinki
Eräluvat-puhelinpalvâlus, puh. 020 69 2424
kirjaamo(a)metsa.fi
Meccihaldâttâs tiätusyejivästideijee
Janne Kiiskinen, tietosuoja(a)metsa.fi
Ohtâvuotâolmooš registerân kyeskee aašijn
Jari Haarala, digipalvâlushovdâ, puh. 0206 39 6239, jari.haarala(a)metsa.fi
Huámmáš, et jis tun vááldáh mijjân ohtâvuođâ vâi finniiččih iše, te mij sättip ferttiđ torvolâšvuotâsuujâi tiet visásmittiđ tuu persovnlâšvuođâ ovdil tuu pivduu tevdim.
Meccihaldâttâs Meccipalvâlusah
Eräluvat-palvâlusnummeer 020 69 2424 (argân tme 9–15), eraluvat(a)metsa.fi