Meccijotolâh

Aanaar, Ucjuv já Iänuduv kieldâässeeh pyehtih uuccâđ Meccihaldâttâsâst muottiis ääigi meccijotolâhlove jieijâs päikkikieldâ staatâ enâmáid. Love finnejeh puoh kieldâässeeh, kiäin lii tárbu muottiis ääigi meccijotolâhân.

Meccijotolâhlove puáhtá haahâđ šleđgâhäämist ooleest leijee luámáttuvváin. Muottiis ääigi almolâš meccijotolâhlope jieijâs päikkikieldân ij kuoskâ aalmuglâš- já luándumeccijd.

Jis kieldâässest lii vuáđustâllum tárbu muottiis ääigi meccijotolâhân meid aalmuglâš- tâi luándumeecij vijđodâhân tâi sun taarbâš muottuuttes ääigi meccijotolâhlove vuáhádum kiäinoid, te love kalga uuccâđ sierânâs ucâmuššáin.

Loveh mieđettuvvojeh tuše tehálii aagâ keežild. Aalmuglâš- já luándumeccijd iä váldunjuolgâduslávt mieđettuu kesiáigásiih meccijotolâhloveh.

Lopemiärádâs vyeijee päikkikieldân lii ain mávsuttem.