13.11.2024
Meäʹcchalltõõzz äʹššneǩ-kääzzkõs serdd Âʹvvlest teʹlfooʹne da netta
Meäʹcchalltõs kääzzkâstt Âʹvvel äʹššniiʹǩǩid juätkast teʹlfoonin da digitaalʼlaž kääzzkõskanaalin. Âʹvvel konttâr äʹššneǩ-kääzzkõspäiʹǩǩ lij äävai mââimõs vuâra piâtnac 18. kålggmannust.
– Tät lij teâđast hueʹnes äʹšš määŋg äʹššneeʹǩǩ beäʹlnn. Aaʹššid vuäitt täujja håiddad liâđǥlânji leʹbe teʹlfoonin jiijjâs põõrtâst, mii vuäitt leeʹd äʹššeem beäʹlnn vääiʹvtem. Täujja ääʹšš kueʹsǩǩe kueʹllšeeʹllem- leʹbe luâttjjååđlõklooʹvid da ǩeâmppvaʹrrjõõzzid, saakkeemjååʹđteeʹjj Aku Ahlholm Meäʹcchalltõõzzâst särnn.
Kueʹllšeellem- da meäccjemäʹššniiʹǩǩid kääzzkââʹstet juätkast Skååttrdemlooʹvi kääzzkõsnââmrest 020 69 2424, da tõt lij äävai arggpeeiʹvin čiâss 9–15. Kääzzkõsnââmar pääiʹǩ äʹššneeʹǩǩ vueiʹtte kõõjjeet jeäʹrbi mieʹldd pääiklažoummui määusteʹmes kueʹllšeeʹllemlooʹvid, kåʹddniiʹǩǩi vuäʹsttemvuâla kueʹllšeeʹllemlooʹvid leʹbe ouddmiârkkân nuõrttsääʹmvuuʹd kueʹllšeeʹllemlooʹvid.
Lââʹssen äʹššniiʹǩǩid kääzzkââʹstet määŋgain digitaalʼlaž kääzzkõõzzin. Määŋg kueʹllšeellem- da meäccjemlååʹv käunʼnje neeʹttest Eräluvat.fi-kääzzkõõzzâst. Še luâttjjååđlõklååʹv da teâđ valdia määdd luâttjjååđlõkaaʹššin käunnʼje Eräluvat.fi-kääzzkõõzzâst.
Valdia määddain jeeʹres looʹvin da miâsttmõõžžin käunnʼje lââʹssteâđ addrõõzzâst ww.metsa.fi/määdd-da-čääʹʒʒ/lååʹv (metsa.fi).