Luâttvuejjmõš

Aanar, Uccjooǥǥ da Enontekiö kååddla vueiʹtte ooccâd Meäʹcchalltõõzzâst muõttpeittam poddsaž luâttvuejjamlååʹv dommkååddstes valdia määddaid. Lååʹv vuäǯǯa puk kåʹddaassi, ǩeäin lij muõttpeittampoodd tarbb luâttvuejjmõʹšše.

Luâttvuejjamlååʹv vuäitt haʹŋǩǩeed liâđǥlânji meâlddõssân åårrai lomaakkin. Muõttpeittam poddsaž takai luâttvuejjamlååʹpp jiijjâs dommkådda ij kuõsk meermieʹccid da luâttmuõrrkarddsid. 

Jõs kåʹddaassjest lij vuâđđõttum tarbb muõttpeittam poddsaž luâttvuejjmõʹšše še luâttmuõrrkarddsi voudda leʹbe son taarbaš muõttǥâʹttem poddsaž luâttvuejjamlååʹv ääiʹjben vuõjjum ǩeäinaid, âlgg lååʹpp ooccâd jeärbuž ooccmõõžžin. 

Looʹvid meäʹtte pâi tieʹddi määinast. Meermieʹccid da luâttmuõrrkarddsid jiâ takainalla miõđ ǩieʹssmäddäiggsaid luâttvuejjamlååʹvid. 

Lååʹpptuʹmmstõk jååʹđteei dommkådda lij pâi määusteʹmes.