13.11.2024
Meäʹcchalltõõzz äʹššneǩ-kääzzkõs serdd Âʹvvlest teʹlfooʹne da netta
Meäʹcchalltõs kääzzkâstt Âʹvvel äʹššniiʹǩǩid juätkast teʹlfoonin da digitaalʼlaž kääzzkõskanaalin.
Meäccjummuš
Jõs jeälstak säʹmmlai dommvuuʹdest leʹbe jeeʹres Tâʹvv-Lääʹddest meäccjemlääʹjj 8§:a čuäʹjtem vuuʹdest, jiõk taarbaš jeäʹrab lååʹv meäccjummša jiijjad kååʹddest valdia määddain.
Jeeʹres vueʹjjest vuäitak haʹŋǩǩeed Skååtrdemlååʹv.fi- kääzzkõõzzâst jeeʹresnallšem meäccjemlooʹvid uʹccšiil da šuurab šiil šeellmõʹšše. Valdia vuuʹd stääʹne meäccjemvueiʹtlvažvuõđ še tõid, ǩeäin ij leäkku vueiʹtlvažvuõtt meäccjed ouddmiârkkân meäccjemsieʹbr vuuʹdin.
Meäccjemlååʹpp lij ruõkkmõš luõttu, ǥu lååʹpp-puåđõõzzin håidda šeeʹllem-määddaid da raʹvvje oođeei šiilvuâđaid. Meäʹcchalltõõzz äʹšštobddi da šeeʹllemtaʹrǩǩeei âʹnne jiijjad lââʹssen huõl tõʹst, što meäccjummuš lij peʹšttemnallšem da lääǥǥlaž. Valdia vuuʹdin jääʹǩǩte šeeʹllemetikeʹtt, leʹbe õõutsââʹjest suåppum pueʹrid šeeʹllemvueʹjjid.
Äʹšštobddi mettee meäccjummuž nuʹtt, što vueʹššen väʹldde lokku šiilvuâđaid da pääiklai meäccjem vaikktõõzz šiʹlle. Tõʹst arvvlâʹstte, mõõn jiânnai looʹvid vueiʹtte kaaupšed järrsid.
Meäʹcchalltõõzz meäccjemvuuʹd vaajtâʹlle šorradvuõđin, kueʹstlmin da lååʹppmääinain. Šuurmõs vueʹss šeeʹllem-määddain sâjjad meäʹcctäällvuuʹdin, koin vueiʹtte leeʹd meäʹcctäälltuâj še meäccjempoodd.