Teâttsuejjčiõlǥtõs

Tän teâttsuejjčiõlǥtõõzzâst peäggte, mâiʹd personteâđaid Meäʹcchalltõs noor Eräluvat-kääzzkõõzzid õõʹnni ääʹššlain (mâʹŋŋlubust “õõʹnni” leʹbe “ääʹššlaž”) da mäʹhtt täid teâđaid ǩiõttʼtâʹlle da seeilte.

Eräluvat-kääzzkõõzzin õõlǥte

Eräluvat.fi-neʹttkääzzkõs da mobiilsuåvldõs,
Lååʹppooccâmriâžldõk (lupahaku.eraluvat.fi, mâʹŋŋlubust “Lååʹppooccâmriâžldõk") de
Eräluvat-ääʹššlažkääzzkõs vuäitt leeʹd teʹlfoonâst, kaaupšempääiʹǩest leʹbe maacctemlomaakk pääiʹǩ, koi ǩiõttʼtõõllmõʹšše âʹnne jeärbuž maacctemriâzldõõǥǥ.

Tät teâttsuejjčiõlǥtõs lij peiʹvvuum 19.11.2024.

1. Rekister

Meäʹcchalltõõzz Eräluvat-kääzzkõõzzi ääʹššlažrekister.

2. Rekisterõõʹnni

Meäʹcchalltõs (Y-tobdldõk: 0116726-7), PL 80 (Opastinsilta 12), 00521 Helsinki

Eräluvat-teʹlfonkääzzkõs, teʹl. 020 69 2424

kirjaamo(a)metsa.fi

Meäʹcchalltõõzz teâttsuejjvaʹstteei

Janne Kiiskinen, tietosuoja(a)metsa.fi

Õhttvuõttooumaž rekisteeʹr kuõskki aaʹššin

Jari Haarala, digikääzzkõsjååʹđteei, jari.haarala(a)metsa.fi

3. Personteâđai noorrmõš

Meäʹcchalltõs vuäitt noorrâd Eräluvat-kääzzkõõzzi õõʹnnʼjin täʹst teâttsuejjčiõlǥtõõzzâst meäʹrtum ââʹnnemõõlǥtõõzzi määinast taarblaž teâđaid. Ââʹnnemõõlǥtõs meäʹrtââll, muʹvddem teâđaid õõʹnnʼjin nåʹrre jeeʹres vueʹjjin.

Õõʹnni personteâđaid vueiʹtte noorrâd, ǥu son ââʹn Skååtrdemlååʹpp kääzzkõõzzid leʹbe äʹššâstt tõin, rekisterõstââʹv Eräluvat.fi -neʹttkääzzkõõzz leʹbe Lååʹppooccâmriâžldõõǥǥ õõʹnnʼjen, leʹbe vuässââtt ǩeâštõõttmõõžžid, kampaanjid leʹbe tuʹtǩǩõõzzid leʹbe äʹššâstt muđoi Meäʹcchalltõõzzin. Vuâlla 13-ekksast âlgg leeʹd peâmmai tuõttmõš.

Õõʹnnʼjest lij vueiʹtlvažvuõtt haʹŋǩǩeed lååʹppouddsid še nuuʹbb ooumže iʹlmmteeʹl nuuʹbb oummu teâđaid pääiʹǩest Lååʹv õõʹnni. Näkam ääʹššest lååʹv õõʹnnʼjen iʹlmmtum oummust lij vuõiggâdvuõtt kååʹmted lååʹpp haʹŋǩǩõs- da kååʹmtem-määinai meâldlânji da vuäǯǯad teâđeez meädda pääiʹǩ 8. Ääʹššla vuõiggâdvuõđ teâđeez taʹrǩstem vuâđast. Vaʹstteemvuõtt tiʹllʼjõõzz mähssmõõžžâst seill pâi tiʹllʼjõõzz raajjʼjest.

Teâđ, koid ääʹššlaž oudd äʹššõõttmen Eräluvat.fi-neʹttkääzzkõõzzâst leʹbe -suåvldõõzzâst leʹbe vuäʹsttmen lååʹv ääʹššlažkääzzkõõzz pääiʹǩ:

* Ouddnõmm, Sooǥǥnõmm
* Neʹttpååʹštaddrõs
* Äʹššõõttâmǩiõl
* Âʹlddaddrõs
* Pååʹštnââmar da -toimmpäiʹǩǩ
* Teʹlfon-nââmar
* Šõddâmäiʹǧǧ
**Persontobdldõk
Meäccjeeinââmar
* peittsääʹnn leʹbe jeeʹres tobdstem tobdldõk
* Markknâʹsttemlååʹpp
Tuʹtǩǩõõzz da koojjeem õhttvuõđâst uvddum teâđ
Ääʹššlažmaacctõõzz
Jeeʹres ääʹššla tuõttmõõžžin uvddum leʹbe luõvtum teâđ, ouddm. Åålǥpeäʹlnn vuäǯǯum teâđ, mâʹt-a meäccjemrekisteeʹrest norrum teâđ.

* pääkklaž teâtt

**Pääkklaž ooccâmvuâđsain ouddsin de laasktem tiʹllʼjõõzz õhttvuõđâst.

Teâđ, koid ääʹššlaž oudd haʹŋǩǩeʹmmen lååʹv nuuʹbb ooumže:

* Ouddnõmm, Sooǥǥnõmm
Neʹttpååʹštaddrõs
* Âʹlddaddrõs
* Pååʹštnââmar da -tåimmpäiʹǩǩ
Teʹlfon-nââmar
* Šõddâmäiʹǧǧ
Meäccjemnââmar

* pääkklaž teâtt

Teâđ, koid ääʹššlaž oudd äʹššeʹmmen Lååʹppooccâmriâžldõõǥǥâst:

* Ouddnõmm, Sooǥǥnõmm
* Neʹttpååʹštaddrõs
* Ääʹššõõttâmǩiõll
* Âʹlddaddrõs
* Pååʹštnââmar da -tåimmpäiʹǩǩ
* Teʹlfon-nââmar
* Šõddâmäiʹǧǧ
* Meäccjemnââmar
* Meäccjemseäʹbrr
* Meäccjemvueiʹtlvažvuõđid kuõskki teâđ de sõrvvmeäccjem pääččamteʹstt spraavâmpeiʹvv
* Peittsääʹnn leʹbe jeeʹres tobdstem tobdldõk
* Markknâʹsttemlååʹpp
Tuʹtǩǩõõzzi da koojjeem õhttvuõđâst uvddum teâđ
Ääʹššlažmaacctõõzz
Jeeʹres ääʹššla tuõttmõõžžin uvddum leʹbe luõvtum teâđ, ouddm. Åålǥpeäʹlnn vuäǯǯum teâđ, mâʹt-a meäccjemrekisteeʹrest norrum teâđ.

* pääkklaž teâtt

Teâđ, koid ääʹššlaž oudd ääʹššeʹmmen Eräluvat.fi-neʹttkääzzkõõzz maacctemlomaakk pääiʹǩ:

Nõmm
* Neʹttpååʹštaddrõs
Teʹlfon-nââmar

*pääkklaž teâtt

Teâđ, koid ääʹššlaž oudd ââʹnnmen Eräluvat -suåvldõõzz

Ǩeʹrjjõõttmõʹšše taarbšem neʹttpååʹštaddrõs
Õõʹnni sâjjeemteâđ ââʹnnmen suåvldõõzz Sâjjõs kaartast -tåimmʼmõõžž
Õõʹnni sâjjeemteâđ ââʹnnmen suåvldõõzz Ââlda åårrai pääiʹǩ -tåimmʼmõõžž

Lââʹssen noorrâp teâđaid kääzzkõõzz âânnmõõžžâst ooudâsviikkâm diõtt kääzzkõõzz. Seuʹrrjep ouddmiârkkân tõn, mõõn jiânnai kääzzkõõzzâst liâ õõʹnni eeʹjjest leʹbe tiõttum äiʹǧǧen, muʹvddem neävvain kääzzkõõzz âʹnne da mâiʹd siiʹsǩid õõʹnni ǩeäʹčče, Õõʹnnʼjin jiâ tän õhttvuõđâst noor personteâđaid, koin jiõččnaž õõʹnni vuäitči tobdsted. Norrum teâđaid ij vueiʹt õhtteed jeärrsivuiʹm. Tääʹrǩab teâđ pääiʹǩest 9. Jeävstõõzz.

4. Personteâđai âânnmõš da luõvtõõzz

Person- da jeeʹres teâđaid ǩiõttʼtâʹlle da luõvte pâi lääʹjjmeâldlaid ââʹnnemõõlǥtõõzzid, koin šiõttee tääʹrǩben

Teâttsuejjlääʹjjest (1050/2018),
Veʹrǧǧniiʹǩǩi tåimmam õõlmâsvuõđâst uvddum lääʹjjest (621/1999),
Meäccjemlääʹjjest (615/1993) ja
Kueʹllšeeʹllemlääʹjjest(379/2015).

Personteâđai âânnmõš

Meäʹcchalltõs ââʹn norrum teâđaid puõʹtti miârktõõzzid:

Eräluvat-kääzzkõõzzi taʹrjjummuš da ääʹššlažkõskkvuõđi håiddmõš. Personteâđaid vuäitt ââʹnned ââʹnnemtiil raajjmõʹšše õõʹnni tobdstem diõtt, õõʹnni haʹŋǩǩeem looʹvid kuulli saaǥǥtummša, ouddõõzzi tiʹllʼjem diõtt, lååʹppooccmõõžž kuâđđmõʹšše, meäccjem valvvmõʹšše da kääzzkõõzzi tåimmamvuõđ ainsmâttmõʹšše. Lââʹssen Meäʹcchalltõs vuäitt ââʹnned ääʹššlai personteâđaid vaʹstteem diõtt ääʹššlai maacctõõzzid da kõõččmõõžžid.
Kääzzkõõzzi âʹlnnâânnmõš da ooudâsviikkmõš. Personteâđaid vueiʹtte ââʹnned Eräluvat-kääzzkõõzzi âʹlnnâânnmõʹšše, ooudâs viikkmõʹšše da ââʹnnemǩiččlâsttmõõžž pueʹreem diõtt.
Ääʹššlažsaakkummuš da markknâsttmõš. Personteâđaid vueiʹtte ââʹnned ääʹššla tuõttmõõžžin Eräluvat-oođâsǩeeʹrji vääʹltummšest šõddi ääʹššlažsaakkummša leʹbe jeärbuž Meäʹcchalltõõzz taʹrjjeem kääzzkõõzzi markknâsttmõʹšše.
Tuʹtǩǩõs. Personteâđaid vueiʹtte ââʹnned Meäʹcchalltõõzz raajjâm leʹbe raajtem tuʹtǩǩõʹsse.
Laasktummuš . Persontobdldõõǥǥ âʹnne peʹrrjemââʹnteeʹji, jeärbuž ooccmõõžži raajjâm tuʹmmstõõǥǥi laasktem diõtt.

Personteâđai luõvtummuš

Meäʹcchalltõs ij vuõss-sââʹjest ni muʹvddem vueʹjjest luõvat Eräluvat-kääzzkõõzzi Ääʹššlažteâđaid markknâʹsttem-miârktõõzzâst kuälmad vueʹsspieʹlid.

Måttmin vueʹjjin Meäʹcchalltõs vââjj luõvted teâđaid tiõđlaž leʹbe jeeʹres tuʹtǩǩõõzz diõtt oudldeeʹn, što luõvtem diõtt lij rajjum Meäʹcchalltõʹsse ǩeerjlaž ooccmõš, koʹst puätt õlmmsa jm. tuʹtǩǩeemplaan, teâđai ǩiõttʼtõõllmõš da seeiltummuš de lääʹǩǩvuâđđäʹšš teâđai luõvtummša.

Eräluvat-kääzzkõõzzi tiʹllʼjõs- da ääʹššlažteâđaid seʹrdde Meäʹcchalltõõzz jiijjâs kaaupšem- da täällriâžldõõǥǥid laasktem da tääll sueʹrrjem diõtt. Lââʹssen ääʹššlai teâđaid vueiʹtte seʹrdded markknâʹsttem automaatiariâžldõʹǩǩe da oođâsǩeeʹrj vuõltteemriâžldõʹǩǩe.

Meäʹcchalltõs luõvat tiʹllʼjõsteâđaid (lååʹv nõmm, lååʹppvuʹvdd, lååʹppäiʹǧǧ, lååʹppnââmar, meäccjemnââmar, mäʹhssemteâtt) vuâkkõõzz meâldlânji Lääʹddjânnam šiilkõõskõʹsse tõn âʹlnnââʹnnem Jiijjan šiil -kääzzkõʹsse. Tiʹllʼjõsteâđaid luõvte tõin ääʹššlain, ǩeäk liâ ǩeʹrjjõõttâm Eräluvat.fi -neʹttkääzzkõʹsse leʹbe Lååʹppooccâmriâžldõʹǩǩe Jiijjan šiil -tobdldõõǥǥin leʹbe iʹlmmtam meäccjemnââmres da nõõmâs meäccjemrekister vaʹstteei vueʹjjin lååʹppteâđaines.

Meäccjem staanvuõđ oouʹdeem diõtt, vääžnjummuš ouddõõzzi suejjummšid vuâđđeeʹn Meäʹcchalltõs vuäitt luõvted sõrvvmeäccjem vuʹvddlååʹv vuäǯǯai õhttvuõtt-teâđaid seämma vuuʹdest vuʹvddlååʹv vuäǯǯjid. Tät kuâskk pâi meäccjemlääʹjj 8 §:sa meâldlaž vuuʹd, koozz vueiʹtte miõttâd tääuʹjab pâjjlõs vuʹvddlooʹvid.

Lââʹssen personteâđaid vueiʹtte taarbšeʹmmen luõvted tåimmvääldlaž veʹrǧǧneeʹǩǩ õõlǥtõõzzi da laʹǩǩe vuâđđeei oudldõõzzi meâldlânji.

Oođâsǩeeʹrj da markknâʹsttem vuäitt seännad leʹbe ǩeʹldded Eräluvat.fi-neʹttkääzzkõõzzâst da Lååʹppooccâmriâžldõõǥǥâst lååʹv vuäʹsttem/ooccâm õhttvuõđâst leʹbe rekisterõsttâm ääʹššlõʹžžen kuäʹss täättas jiijjâs ääʹššlažtiil pääiʹǩ.

Lââʹssen ǩeâldd lij vueiʹtlvaž raajjâd teʹlfooʹnin nââmrest 020 69 2424 lååʹv vuäʹsttem õhttvuõđâst leʹbe jeäʹrben, neʹttpååʹštest (eraluvat(a)metsa.fi) leʹbe ǩeerjlânji rekisterõõʹnni addrõʹsse.

5. Personteâđai serddmõš EU leʹbe ETA åålǥpeälla

Teâđaid jiâ seeʹrd EU- leʹbe ETA-vuuʹd åålǥpeälla.

6. Personteâđai suejjummuš

Meäʹcchalltõõzz Eräluvat -kääzzkõõzzi õhttvuõđâst norrum personteâđaid vuäǯǯa lookkâd da ǩiõttʼtõõllâd pâi tõk tuâjjtuejjeei, koi tåimmvääʹld määinast tõt lij taarblaž.

Ääʹššlažriâžldõõǥǥid peäʹsse taarbšeʹmmen huâllõõlǥtõõzzâst ǩiõttʼtõõllâd prograammi huâlast da tåimmamvuõđâst vaʹstteei teâttǩiõttʼtõõlli. Meäʹcchalltõs lij suåppâmõõlǥtõõzzin âânnam huõl tõʹst, što seʹst lij jiântta-åårramõõlǥtõs kuuleeʹn pukid ääʹššlažteâđaid de õõlǥtõs ǩiõttʼtõõllâd personteâđaid lääʹjj oudldem vueʹjjin.

7. Personteâđai seeiltummuš

Meäʹcchalltõs seeilat Eräluvat -kääzzkõõzzid ruõkku personteâđaid viõǥǥâst åårram lääʹǩǩšeâttmõõžž meâldlânji pâi nuʹtt kuuʹǩǩ, ǥu lij tarbb tän teâttsuejjčiõlǥtõõzzâst meäʹrtõllum õõlǥtõõzzi teâuddjummšen.

Tiʹllʼjeei teâđaid seeilte Ǩeʹrjjââʹnnemlääʹjj mieʹldd kutt eeʹjj tõn eeʹjj looppâst, koon äiʹǧǧen tillpââʹjj lij puuttam.
Lååʹv õõʹnni teâđaid seeilte kueʹhtt eeʹjj lååʹv puuttam mâŋŋa.
Ââʹnnemtiil peʹjje meädda, jõs tõt ij leäkku õnnum kueiʹt eeʹjj seʹst.

8. Ääʹššla vuõiggâdvuõđ teâđai taʹrǩstem diõtt

Ääʹššlast lij vuõiggâdvuõtt taʹrǩsted, mâiʹd personteâđaid suʹst liâ noorrâm. Ääʹššlast lij vuõiggâdvuõtt raukkâd vââǥǥlaž, vännai, taarbteʹmes leʹbe vuämmnam personteâđai koʹrjjeem diõtt leʹbe meädda piijjâm diõtt

Jõs ääʹššlaž lij rekisterâsttõõvvâm Eräluvat.fi-neʹttkääzzkõõzz ääʹššlõʹžžen, son vuäitt hiâlpmõssân taʹrǩsted personteâđeez ǩeʹrjjõõđeeʹl ääʹššlažtiʹlle addrõõzzâst www. Eräluvat.fi.
Jõs ääʹššlaž lij rekisterâsttõõvvâm Lååʹppooccâmriâžldõõǥǥ õõʹnnʼjen, son vuäitt hiâlpmõssân taʹrǩsted personteâđeez ǩeʹrjjõõđeeʹl ääʹššlažtiʹlle addrõõzzâst lupahaku.eraluvat.fi.
Täʹrǩstemraukkmõõžž vuäitt raajjâd Meäʹcchalltõʹsse še jeärbuž lomaakkin, koon vuäǯǯ addrõõzzâst metsa.fi/tietosuoja.

9. Jeävstõõzz

Eräluvat -kääzzkõõzzin âʹnne jeävstõõzzid. Jeävstõõzz liâ väʹlddneävv neʹttlookki da server kõskksaž siõmm teʹkstt-teâttõõzz. Jeävstõõzzin da jeeʹres tobdstõõzzin lij meäʹrtõllum viõǥǥâståårrâmäiʹǧǧ, koon mâŋŋa neʹttlookki peejj meädda tobdstõõzz.

Pieʹǩǩ jeävstõõzzin koʹlle kääzzkõõzzi tåimmanvuõʹtte. Jeävstõõzzi miârktõssân lij vueiʹtlvâʹstted kääzzkõõzzi âânnmõš.

Jeävstõõzzid vuäitt vaaldšed jeävstõskõjjõõzz pääiʹǩ. Seeid vuâlbeäʹlnn åårrai Jeävstõs-šiõttõõzz -liiʹŋǩest peäss vueiʹnned seiddõõzz ââʹnnem jeävstõõzzid da uvddum jeävstõs-šiõttõs de muʹtted jiiʹjjes šiõttõõzzid.

Neʹttlookki šiõttõõzzin õõʹnni vuäitt haaʹleʹmmen ǩeʹldded jeävstõõzzi vuâsttavälddmõõžž leʹbe jaukkeed neʹttlookkja ruõkkum jeävstõõzzid. Tät vuäitt kuuitâǥ raajjâd jieʹttid kääzzkõõzz tåimmamvuõđâst.

Eräluvat.fi-neʹttkääzzkõõzz âânnmõõžžâst nåʹrre teâđaid jeävstõstää Snoobi Analytics -kääzzkõõzzin. Neʹttkääzzkõõzz õõʹnnʼjin jiâ noor personteâđaid, koin jiõččnaž õõʹnni vuäitči tobdsted. Teâđaid âʹnne neʹttkääzzkõõzz ooudâsviikkmõʹšše. Norrum teâđaid seeilte Snoobi Analytics -tuâjjneävvast. Snoobi vaaldaš täid teâđaid teâttsuejjvueʹjji meâldlânji. Lââʹssteâđ liâ Snoobi Analyticsin neʹttseeidain (snoobi.com).

10. Õhttvuõtt-teâđ

Kõõččmõõžž tän teâttsuejjčiõlǥtõõzzâst, personteâđai âânnmõõžžâst de jeävstõõzzin vuäitt vuõltteed neʹttpååʹštaddrõʹsse eraluvat(a)metsa.fi.

Rekisterõõʹnni

Meäʹcchalltõs (Y-tobdldõk: 0116726-7), PL 80 (Opastinsilta 12), 00521 Helsinki

Eräluvat-teʹlfonkääzzkõs teʹl. 020 69 2424

kirjaamo(a)metsa.fi

Meäʹcchalltõõzz teâttsuejjvaʹstteei

Janne Kiiskinen, tietosuoja(a)metsa.fi

Õhttvuõttooumaž rekisteeʹr kuõskki aaʹššin

Jari Haarala, digikääzzkõsjååʹđteei, teʹl. 0206 39 6239, jari.haarala(a)metsa.fi

Vuâmmaš, što jõs vääldak miʹjjid õhttvuõđ vieʹǩǩ vuäǯǯam diõtt, vââjjap staanvuõttmääinai diõtt jouddad ainsmâʹtted personteâđaid ouddâl raukkâm teâuddjummuš.

Meäʹcchalltõõzz Luâttkääzzkõõzz

Eräluvat-teʹlfon-nââmar 020 69 2424 (arggan čiâss 9–15), eraluvat(a)metsa.fi